திருமந்திரம்

சித்தர் திருமூலரின் திருமந்திரம் — மரபுக் கணக்கில் மூவாயிரம் பாடல்கள், எனவே 'திருமந்திரம் மூவாயிரம்' — பத்தாம் திருமுறை; தமிழ்ச் சைவத்தின் தத்துவ அடித்தளம். யோகம், மூச்சுப் பயிற்சி, கோயில் குறியீட்டியல், உடலே கோயில் எனும் நோக்கு, சடங்கிலிருந்து நேரடி அனுபவம் நோக்கிய பாதை என விரியும் இந்நூல், 'உடம்பை வளர்த்தேன் உயிர் வளர்த்தேனே' என வீடுபேற்றின் கருவியாக உடலைப் பேண வலியுறுத்துகிறது. இதன் மிகப் பிரபல வரி 'அன்பே சிவம்' அன்றாட தமிழ்ப் பேச்சிலேயே கலந்துவிட்டது. பிற்கால சைவ சித்தாந்தம் மீண்டும் மீண்டும் இதை மூல நூலாக நாடுகிறது.